Network
GALURA.CO.ID -Bupati Bandung, Dadang Supriatna, ngaluuhan pembukaan Forum Keluarga Penyandang Disabilitas sakecamatan Pacet di lingkungan Pontren Al Istiqomah Desa Maruyung Kecamatan Pacet Kabupaten Bandung, Kemis, 18 Januari 2024.
Bupati nètèlakeun nu disabilitas, ditangtayungan Undang-Undang (UU) Nomer 8 taun 2016 ngeunaan Penyandang Disabilitas.
"Sakum nu disabilitas ngagaduhan hak nu sami. Hak kanggo kèngèng pangladen kasehatan, kenging atikan, karaharjaan sareng sagala rupina," ceuk Dadang Supriatna.
Baca Juga: LSM Penjara Indonesia Majalengka Meredih Pj Bupati Majalengka Netral
Bupati Bandung oge merenahkeun batu munggaran pangwangunan Rumah Alifa di lingkungan pontren Al Istiqomah jeung masrahkeun bantuan CSR (Corporate Sosial Responsibility) Rp 250 juta keur pangwangunan Rumah Alifa jeung sarana atikan para penyandang disabilitas.
Ngadegkeun SLB (Sekolah Luar Biasa), ceuk Bupati Bandung, wewenang Propinsi Jawa Barat. Ngan, Pamarèntah Kabupaten Bandung kacida apresiasina ka rèngrèngan pangokola Rumah Alifa, nu geus satèkah polah pikeun ngadegkeun SLB di wilayah Kecamatan Pacet.
Dadang Supriatna nganuhunkeun ka sajumlah pihak ku pangrojongna kana pangwangunan Rumah Alifa.
Dadang Supriatna miharep ku diadegkeunana Rumah Alifa jadi berkah. Inyana ogè nginstruksikeun ka Dinas Pengendalian Penduduk, Keluarga Berencana, Pemberdayaan Perempuan dan Perlindungan Anak (DP2KBP3A) Kabupaten Bandung sangkan tetep fokus ngabantu masarakat.
Baca Juga: Dipupuhuan Kapolrestabes, Bupati Bandung Miharep Cabor Voli Nguniang Ngahontal Prestasi
