Network
GALURA.CO.ID -Bupati Bandung Dadang Supriatna ngaku, dirina boga lima strategi dina nyanghareupan Indonesia Emas 2045. Kahiji, ceuk Dadang, ngaronjatkeun kualitas SDM (Sumber Daya Manusia) nu profesional jeung paham IT (Informasi Teknologi).
Kadua, big data; katilu, riset jeung developmen; kaopat institusi nu kuat; kalimana hade ngokolakeun anggaran.
"Dina ngaronjatkeun SDM nu profesional sareng paham IT, sakumna masarakat Kabupaten Bandung sareng umumna masarakat Indonesia diwajibkeun ngaronjatkeun SDM nu profesional," ceuk Dadang Supriatna basa ngaluuhan Bunga Desa di Desa Sindanglaya, Kecamatan Cimenyan,, Selasa 26 Desember 2023 peuting.
Ngeunaan big data, ceuk Dadang Supriatna, kacida penting supagi pamarèintah desa bisa nyieun program ku big data.
"Aya kelompok yuswa produktif. Sanès ti èta sabaraha urang warga nu tos gaduh ijazah SD, SMP, SMA sareng paguron luhur. Sabaraha urang warga nu tos didamel, sareng sabaraha urang warga nu masih kènèh ngaligeuh. Kalebet data warga miskin ekstrem sareng stunting. Pa RT sareng Pa Raw kedah nyayagikeun data ieu," ceuk Dadang Supriatna. *** Sopandi
.
