Network
GALURA.CO.ID- Bupati Bandung, Dr.H.M. Dadang Supriatna deui-deui narima pangajèn. Panganyarna, dileler pangajèn Kepala Daerah nu pengkuh ngarojong BUMD pikeun ngajalin gawè bareng dina ngadukung ngaronjatkeun panglayan jeung tumuwuhna paekonomian daerah.
Pangajèn dipasrahkeun ku Kementerian Dalam Negeri Republik Indonesia (Kemendagri) dina BUMD Awards 2023 nu jadi acara puncak Koordinasi Nasional BUMD sakuliah Indonesia di Sahid Jaya Hotel Jakarta, Juma'ah (29/09/2023).
Waktu narima pangajèn, Bupati Bandung dibarengan Asisten Ekonomi dan Pembangunan Kabupaten Bandung, Kepala Bagian Ekonomi, katut Direktur Utama Perumda Tirta Raharja Drs.H. A Teddy Setiabudi M.T.
Baca Juga: Pilkades Lain dina Poè Perè Ketua DPRD Kabupaten Bandung Hariwangeun Masarakat Seutik nu Datang
Dadang Supriatna narima pengajèn ku komitmenna dina ngarojong gancangna ngaronjatkeun gawè BUMD Perumda Tirta Raharja tepi ka bisa ngaronjatkeun pangwangunan paèkonomian daerah liwat saniskara rampak gawè.
Dadang Supriatna ngarasa reueus ku prestasi nu geus kahontal. Inyana miharep pangajèn bisa jadi hal nu positif dina ngawujudna regulasi katut tumuwuhna paèkonomian di Kabupaten Bandung.
Ku ayana ieu pangajèn, Bupati Bandung ngaku ngarasa mingkin karojong sangkan terus nvaronjatkeun kinerja jeung panglayan BUMD tepi ka maangpaatna karasa leuwih gedè.
Lian ti eta mampuh mérè hasil nu leuwih gedè kana Pendapatan Asli Daerah (PAD) di Kabupaten Bandung.
Kagiatan nu diayakeun Kemendagri RI diiluan ku ratusan BUMD jeung pamarèntah daerah sa-Indonesia dina raraga ngadukung program jeung kawiijakan pamarèntah dina ngaimplementasikeun UU No. 23 taun 2014 ngeunaan pamarèntah daerah nu di jerona ngatur maksud jeung tujuan diadegkeunna BUMD.
