Network
GALURA - Di sesa masa ahir jabatanana Bupati Majalengka Dr. H. Karna Sobahi, M.MPd., nampa deui pangajen ti Kementerian Koperasi dan Usaha Kecil Menegah (Kementrian Koperasi dan UKM).
Pangajen ti Kementrian Koperasi dan UKM ditarima langsung ku Bupati Majalengka di Grand Mercure Baru Solo Jawa Tengah Saptu (12/08/2023). Bupati harita, dibarengan ku Kepala Dinas Ketenagakerjaan, Koperasi Usaha Kecil Menengah (DK2UKM ) Kabupaten Majalengka,
Bupati Majalengka ti Kementrian Koperasi dan UKM dileler pangajen Jasa Bhakti Koperasi dan UKM kategori Pejabat Negara nu langsung dipasrahkeun ku Menteri Koperasi dan Usaha Kecil Menegah, Ir. Teten Masduki.
Baca Juga: Milangkala Kabupaten Majalengka Kuduna mah Bulan Februari, Fakta Sajarahna Kuat
Dipasrahkeun dina acara Tranformasi Koperasi dan Usaha Mikro Kecil Menegah (KUKM) Masa Depan. Anu narima eta pangajen aya pejabat ti daerah sejen.
Bupati Majalengka ngahatur nuhunkeun ka Kementrian Koperasi dan UKM nu geus masrahkeun pangajen. Hal ieu bukti apresiasi ka pamarentah Kabupaten Majalengka dina ngabina Koperasi jeung UKM nu aya di Majalengka.
"Ieu bakal janten motivasi kangge Pemkab Majalengka pikeun teras ngaronjatkeun koprasi jeung UKM di pasca pandemi Covid 19. Simkuring miharep Dinas K2UKM nu jadi leeding sektorna teras ngabina jeung nalingakeun koperasi jeung UKM di Kabupaten Majalengka, " ceuk Bupati.
Kepala DK2UKM Kabupaten Majalengka, Arif Daryana nyebutkeun pangajen nu dipasrahkeun langsung ku Kementrian Koperasi dan UKM teh bukti kongkrit ti Bupati nu merhatikeun ka koperasi jeung UKM.
Baca Juga: Pocil SDN Majalengka Wetan IV Nyangking Dua Gelar Juara dina Lomba Pocil di Polda Jabar
"Salami ieu, Pa Bupati konsen ka koperasi nu aya di Kabupaten Majalengka. Di antawisna masihan fasilitas ngadamel badan hukum kangge 30 koperasi wanita," pokna.
Salian eta nalika pandemi Covid-19 Bupati Majalengka terus-terusan mantuan ka sakumna UKM nu aya di Kabupaten Majalengka nu jumlana aya kana 28 rebu.
Arif nyebutkeun tarekah dina motekarkeun UMKM di Majalengka, Pemkab Majalengka oge tuluy ngarojong jeung mere fasilitas sangkan produk-produk UMKM nohonan syarat bisa asup ka ritel modern.
Pihakna ngajalankeun sababaraha rupa strategi lengkah, di antara nyieun nework pamasaran produk UMKM sangkan bisa asup ka ritel modern kalayan gawe bareng jeung pangusaha nasional sangkan prodak lokal Majalengka maju.*** Ayank R Sambara
