Network
GALURA -Hasil tina Pilkades Serentak 2023 di Kabupaten Majalengka tembong ngaran-ngaran anyar nu dipilih jadi pamingpin di tingkat desa. Najan teu saeutik kuwu jeneng nu masih dipercaya mingpin desana, di antarana Agus Ahmad Sopyan.
Agus Ahmad Sopyan dina Pilkades Serentak 2023 di Kabupaten Majalengka ngandidat deui pikeun anu katilu kaliana diparilih deui ku masarakat. Tina kituna inyana jadi kuwu atawa kepala Desa Heuleut, Kecamatan Kadipaten tilu kali noron, henteu kaselang ku nu sejen.
Agus Ahmad Sopyan tanggal 7 Agustus 2923 kamari bareng jeung 64 kuwu hasil Pilkades Serentak 2023 diistrenan ku Bupati Majalengka, di pendopo Kabupaten Majalengka.Ti mimiti tanggal eta, inyana mupuhuan deui Desa Heuleut Kecamatan Kadipaten periode 2023-2029.
Baca Juga: Polres Majalengka Ngungkab Kasus Jurnalis nu Dianiaya di Malausma, Motipna Asmara
Dina Pilkades Serentak 2023 kamari, Agus Ahmad Sopyan meunang soara 2.733 ti 4.677 DPT (Daftar Pemilih Tetap).
Agus mibanda tekad ngawujudkeun Desa IDAMAN: Beriman, Damai, Mandiri, Asri jeung Nyaman. Dipiharep desana leuwih maju tur masarakatna leuwih raharja.
Disebutkeun Agus, dina kapamingpinanna, dirina lain ngan saukur mingpin hiji kelompok jelema, tapi sakumna warga nu dumuk di Desa Heuleut.
"Dina dua entragan kapengker, pangwangunan dijalankeun kalayan rojongan sareng rukun gawe sakumna masarakat. Gotong royong, kakaluargaan, pangawangunan tiasa lumangsung kalayan aman, sareng lancarm," pokna.
Baca Juga: Wakapolda Jabar Ngaroris Lintasan Anyar Ujian Praktek SIM C di Polres Majalengka
