Lembaga nu meunang dana hibah daerah ceuk Asep Zaki, sajalan sarta ngarojong kana visi misi pamarentah daerah Kabupaten Majalengka. “Anu dilaksanakeunaaana sajalan sareng nu janten program Pemda Majalengka. Salian eta lembaga nirlaba, sipatna sosial kamasarakatan," pokna.
Asep Zaki nyebutkeun dana hibah daerah nu dipasrahkeun ka 35 lembaga nu geus diberendelkeun dina Kep Bup Nomor 02030004/KEP.647-KESRA Taun 2023 tanggal 7 Juli 2023 jumlah sagemblengna opat milyar tilu ratus tujuh puluh lima juta rupiah.
Salasaurang nu bantuan dana hibah daerah, Diding Bajuri ketua lembaga ICMI Kabupaten Majalengka, ngahatur nuhunkeun ka Pemkab Majalengka nu geus merhatikeun lembaga keagamaan jeung ka pasantren.*** Ayank R Sambara