Network
GALURA - Wamenag RI KH. Zainut Tauhid Sa'adi nganjang ka Rumah Makan Langensari, Majalengka, restoran bogana kulawarga KH Maman Imanulhaq, pernahna di kompleks Ponpes Al Mizan Jatiwangi. Wamenag tumorojog ka Majalengka pikeun ngaluuhan Rakernas V Pergunu.
Salian Wamenag RI, Gubernur Jawa Timur oge nyimpang ka Rumah Makan Langensari, sarua pikeun ngaluuhan Rakernas V Pergunu. Semah disuguhan, di antarana, kopi khas MCC, cafe nu dikokolakeun ku sakumna santri Ponpes Al Mizan Jatiwangi.
Salian ti Wamenag RI, "Di lokasi kagiatan Rakernas V Pergunu, di Alun-alun Leuwimunding Majalengka, simkuring seueur patepang sakumna guru, salasawiosna Menkopolhukam Prof Mahfud MD," ceuk KH Maman Imanulhaq nu oge pangasuh Pontren Al Mizan Jatiwangi, di Rumah Makan Langensari (17/06/2023).
Baca Juga: Wayang
Sarengse Prof Mahfudz biantara, KH Maman Imanulhaq nu oge anggota DPR RI, nepikeun materi eta acara nu diluuhan ku sakumna guru NU sa-Indonesia.
"Di komplek Pesantren Amanatul Ummah, simkuring paguneman sareng
Prof Mahfud sareng sababaraha tokoh sanesna," ceuk KH. Maman Imanulhaq.
Dina Rakernas V Pergunu oge diluuhan ku Kyai Asad Said Ali, Wakil Kepala manten Badan Intelijen Negara (BIN) di jaman Presiden Abdurrahman Wahid (Gus Dur). Inyana kungsi ngajabat Wakil Ketua Umum PBNU 2010-2015.
"Di Rakernas V Pergunu simkuring patepang sareng shohibul bait, Ketua Pergunu Prof. KH Asep Saifuddin Chalim, guru besar Sosiologi di Universitas Islam Negeri (UIN) Sunan Ampel Surabaya. Anjeunna putra bungsu KH. Abdul Chalim, nu ngadegkeun pasantren Amanatul Ummah Surabaya, Majalengka, Mojokerto, tur Banyuwangi," ceuk KH Maman Imanulhaq.
Baca Juga: Karamat Gunung Cupu di Desa Nagarajaya Kecamatan Panawangan Kabupaten Ciamis
