Anie Mulyani ngécéskeun, kasakit polio téh tacan aya ubarna, ukur bisa dicegah ku imunisasi polio. Ku kituna, imunisasi polio kacida pentingna enggoning nguatkeun budak malar teu katarajang virus polio. Pon kitu deui, palaksanaan imunisasi polio téh perlu rojongan ti sakumna masarakat.
Harita gé waktu palaksanaan imunisasi polio di Posyandu Kenanga 11 Desa Cihanjuang, lian ti ngaubkeun sakumna kader Posyandu, ogé ngaubkeun Babinsa jeung Bhabinkamtibmas jeung aparat Desa Cihanjuang.
"Alhamdulillah, masarakat kalintang antusiasna sangkan anak-anakna diimunisasi polio di Posyandu Kenanga 11 Desa Cihanjuang kalawan ngahontal saratus persen sasaran imunisasi,” ceuk Anie Mulyani.***