Network
GALURA-Kementerian Sosial (Kemensos) liwat Sentra Wyata Guna Bandung nyalurkeun bantuan atensi ka 100 Pemerlu Pelayanan Kesejahteraan Sosial (PPKS) Kabupaten Bandung Barat (KBB).
Bantuan kasebut mangrupa alat bantu disabilitas, di antarana korsi roda jeung alat bantu pangrungu, kabutuh dasar, nutrisi, jeung pangdeudeul kawirausahaan.
Eta bantuan langsung disalurkeun ka panyandang disabilitas, lansia jeung kelompok rentan, di Gedong Serba Guna PGRI Cililin KBB, Kemis (2/3/2023).
Baca Juga: Anggota DPR RI Tb Hasanuddin, Sosialisasi Empat Pilar Kebangsaan ka Anggota Pramuka di Majalengka
Dina kagiatan ieu, pihak Sentra Wyata Guna babarengan jeung Wakil Ketua Komisi VIII DPR RI, Dr. H. TB. Ace Hasan Syadzily, M.Si., nyalurkeun bantuan kasebut.
Pikeun TB. Ace Hasan Syadzily, ieu teh ngarupakeun kagiatan Reses DPR RI taun 2023.
Inyana nyebutkeun bantuan ti Kementerian Sosial ieu, najan sajuta, dua juta, atawa lima juta, tapi meunang giliran jeung dimanfaatkeun pikeun ningkatkeun panghasilab masarakat.
“Program PKH, BPNT, ATENSI, BLT ieu sadayana tèh program nu baris teras dirojong, supados masyarakat nu meryogikeun kenging teras,“ ceuk Ace. ***
Kepala Sub Bagian Tata Usaha Sentra Wyata Guna Bandung, Iis Lisnawati nganuhunkeun ka Komisi VIII DPR RI nu teu welèh guyub jeung Kementerian Sosial dina nyalurkeun bantuan.***
