GALURA-Rea cara pikeun ngahudang masarakat, sangkan paduli kana runtah, teu miceun runtah sagawayah.
Dinas Lingkungan Hidup (DLH) Kabupaten Kuningan mere pangajen ka warga anu paduli kana runtah.
Pangajen di dieu lain piagem, piala, tapi minangka barang anu biasa dipake sapopoe.
Baca Juga: Miéling HPSN, DLH Kuningan Ngayakeun Gerakan Pemungutan Sampah
Diantarana wae endog, minyak goreng, sabun, sampo jeung jenis barang kabutuh sapopoe sejenna.
Samalah aya hadiah mangrupa logam mulia.Teu rea logam mulia mah, teu kawas barang minyak goreng jeung endog.
Ceuk Kepala DLH Kabupaten Kuningan, Drs Wawan Setiawan, S.Hut.,M.Si., eta hadiah pikeun ngahudang warga sangkan daek ngawilah-wilah runtah anu masih keneh bisa dimangfaatkeun.
Baca Juga: Warga Anu Titeuleum Di Walungan CI Sanggarung Tacan Kapanggih Laratanna
Eta hadiah teh dipasrahkeun dina acara Car Free Day, nu saban Poe Ahad diayakeun di Jalan Siliwangi. Ngaduumkeun hadiah dina Car Free Day mah munggaran diayakeun.