Totonden ti Gunung Dukuh, Cinyusu Saat Nagara Bakal Riweuh

Ku Patra Laksana cai tawa teh di Cibogor Gunung Agung, dibahekeun, tilu parapatana, tapi tadina mah rek dibahekeun di Situ Gede, ngan dicaram ku Muncang Pandak.

Baca Juga: Lauk Betrik jeung Tutut Oleh-Oleh Caah Ci Keruh

Ieu dua wewengkon ayeuna asup ka Desa Sagalaherang nu pernahna tonggoheun Desa Jagabaya. Sesana dibahekeun di tempat anu teu jauh ti Bale Desa Jagabaya, di Blok Dukuh Mulya.

Meureun ku sabab cai tawa ti Mataram tadina keur kaperluan urang Jagabaya, kaluarna cai teh di tutugan Gunung Dukuh.

Di Blok Dukuh Mulya tepi ka ayeuna kaluar cinyusu ngan leutik, teu kawas di Gunung Dukuh. Ti Pasir Dukuh ka Cibogor anggangna 4 kilometaran ari ka Gunung Gandul 2 kilometaran.

Gunung Dukuh dipake atawa dijadikeun totonden, dipake ciri keur kaayaan Pulo Jawa.

Ieu dudukuhan liang cai, totonden gambaran tanah Jawa. Lamun Gunung Dudukuh kakayonna masih hejo lembok, caina ngagulidag badag, eta tanda tanah Jawa masih waluya.

Baca Juga: Gunung Sawal, Gunung Geger Bentang, Gunung Madati Diusulkeun Jadi Hutan Konservasi, Tacan Aya Bejana Deui

Sabalikna upama Gunung Dukuh gundul, tatangkalan garing, caina saat, ieu kudu ati-ati, totonden tanah Jawa sangar, bakal cilaka.

Kumaha kaayaan Gunung Dukuh atawa Gunung Dudukuh ayeuna? Masih keneh hejo ngemploh, caina angger ngagulidag.