‘Sayap Patah’, Pameran Lukisan Kepala Sespim Polri, Irjen Pol Chryshnanda, di Gedung Pusat Kebudayaan

Ceuk kurator pameran “Sayap Patah”, Isa Perkasa, nalika Irjen Pol. Chryshnanda Dwilaksana ngasongkeun téma pameran, Isa langsung ngarasa cop, tur ngabagéakeun. Sabab, cenah, téma anu diangkat téh ninggang dina mapag taun politik kiwari.

“Éta jadi bagian penting margi téma pameran ngangkat isu persatuan tur kesatuan bangsa. Dipiharep, dina Pemilu 2024 engké, ulah sapertos pemilu taun sateuacanna. Hubungan antara babaturan atawa dulur jadi bengkah alatan béda pandangan politik. Ku kituna, tong dugi ka politik identitas dianggo deui,” ceuk Isa Perkasa.

Chryshnanda Dwilaksana (katuhu) jeung Isa Perkasa, kurator Gedung Pusat Kebudayaan.*

Isa boga kamandang, Chryshnanda téh produktif naker dina ngahasilkeun karya. Dina sela-sela kariweuhna minangka perwira tinggi polisi, inyana tetep ngamangpaatkeun waktuna nu heureut pikeun makarya.

Baca Juga: Rukun Gawe Pemprov jeung PWI Jabar, Sukses Ngayakeun UKW di 8 Daerah

“Anjeunna luar biasa produktifna, janten hiperproduktif. Dina sela-sela kasibukanana janten polisi sareng Kepala Sespim, mungguh janten inspirasi pikeun urang sadaya. Sim kuring waé, seniman, henteu saproduktif kitu," pokna.***