Network
“Kateuing ka mana. Tadi mah aya,” tembal Suba,”Ari Aka ti mana?”
“Ti Panjalu.”
“Jauh ning...Yap, ka jero,” ceuk Suba bari unggah ka jero saung.
Lalaki tadi nuturkeun. Duanana diuk sila pahareup-hareup. Sakedapan mah taya nu ngomong, pahuleng-huleng.
“Ti iraha cicing di dieu?” ceuk éta lalaki ngamimitian nyarita.
“Uing? Tacan lila,” témbal Suba.
“Paingan atuh. Waktu Aka baréto ka dieu jeung ngéndong dua peuting teu nempo.... Sahana Aka Kanta?”
“Incuna. Ari Aka?”
“Kawawuhan waé. Kungsi sapaguron di Panjalu. Ngaran Aka, Atus.
“Uing Suba.”
