Network
GALURA.CO.ID -DPD PAN Kabupaten Majalengka ngarojong kader panghadena ti MPP DPD PUAN (Perempuan Amanat Nasional) Kabupaten Majalengka (2020-2025), Hj. Sherly Kusuma, S.E., pikeun bakal calon wakil bupati (cawabup) dina kontestasi politik Pilkada 2024.
Sherly Kusuma Rona Firmansyah nyebutkeun kaputusan DPD PAN Kabupaten Majalengka ngarojong dirina teh didasaran pamahaman pentingna kaum perempuan dina proses pulitik, nu utama ngingetkeun leuwih ti 60 persen nu boga hak pilih kaum wanoja
"Ngawitanana DPD PAN Kabupaten Majalengka tos nyayogikeun tilu kandidat: senior, milenial sareng wanoja," ceuk Sherly Kusuma, anu oge garwana Rona Firmansyah, Ketua DPD PAN Majalengka, Senen (22/04/2024).
Hasil ti rapat internal jeung konsultasi bari ngajukeun tilu kandidat bieu ka Dewan Pimpinan Wilayah (DPW), hasilna DPW ngarojong sarta nyatujuan kader wanoja.
Lengkah bieu dumasar kana tinimbangan pentingna ngakomodir aspirasi jeung kabutuhan sababaraha segmen masarakat, hususna kaum wanoja.
"Tilu kandidat sateuacanna tos dikonsultasikeun ka DPW, tur rengse ditimbang-timbang, saterasna DPW ngarojong sarta maparinan restu kandidat ti wanoja," ceuk Sherly.
Sherly nyebutkeun tarekah ngaronjatkeun kualitas sumber daya manusia (SDM) wanoja dilaksanakeun kalayan mastikeun hak kaum wanoja dicumponan, ngaberdayakeun wanoja jeung nangtayungan wanoja tina kekerasan kaasup tindak pidana perdagangan orang (TPPO).
Baca Juga: Legislator PAN Kabupaten Bandung Masualkeun Pangajèn ka Pemda Bandung jeung Fungsi DPRD
"Dicumponana hak wanoja dina pendidikan, kasehatan, aub atanapi partisipasi dina pulitik, widang ekonomi sangkan langkung produktif. Hal ieu dipiharep tiasa ngaronjatkeun kualitas kaum wanoja," ceuk Sherly.
Ketua DPD PAN Kabupaten Majalengka, H. Rona Firmansyah, kiwari DPD PAN Kabupaten Majalengka keur nyiapkeun tiket jeung finansial. Ciri partey siap keur tarung di Pilkada 2024.
Salian persiapan internal, ceuk Ketua DPD PAN Kabupaten Majalengka, H. Rona Firmansyah, pihakna geus ngawangun komunikasi ku tujuh partey lianna di Kabupaten Majalengka.
Lengkah nembongkeun tarekahna keur ngawangun kolaborasi jeung rojongan lintas partey sangkan unggul di Pilkada 2024.
Rona nyebutkeun salasahiji fokus utama program anu dirojong ku bakal calon wakil kepala daerah ti kaderna: ngarojong kaluarna peraturan daerah (perda) anu bisa ngungkulan sababaraha pasualan, saperti pasualan parkir, cuti hamil jeung rohang ramah anak.
"Salian eta, program sanesna nu oge ditawiskeun: bakal masihan fasilitas kabutuhan buruh, kalebet perda kangge pekerja migran (TKI), sarta muka rohang kangge ide-ide hade ti sababaraha golongan masarakat," ceuk Rona. *** Ayank R Sambara
