Network
GALURA.CO.ID -Legislator Fraksi PAN DPRD Kabupaten Bandung H. Eep Jamaludin Sukmana, nepungan konstituenna dina reses di Desa Cisondari Kecamatan Pasirjambu Kabupaten Bandung, Rebo 15 November 2023.
Dina titik kadua Reses Masa Sidang I Tahun 2023 DPRD Kabupaten Bandung ieu, Eep Jamaludin narima rupa-ruapa aspirasi, di antarana aspirasi nu ngangluhkeun pangladen BPJS Kesehatan.
Salasaurang warga, nu boga tunggakan teu bisa ngagunakeun kartu BPJS, mun uubar ka rumah sakit, atawa di mana teu nunggak ogè lamun ngagunakeun BPJS sok nyebutkeun ruang rawat pinuh.
Baca Juga: Aya Nu Mènta Tempat Pamakaman Umum dina Reses Anggota DPRD di Desa Mekarrahayu Kabupaten Bandung
Kana eta bangbaluh, Eep jangji rek merjoangkeun satekah polah sangkan kaperluan masarakat dina pangladen kasehatan kacumponan, sanajan BPJS tèh aya dina kawenangan pusat.
Eep ogè cumeluk ka warga sangkan ulah kajiret ku bank emok. Ku kituna Eep, di hareupeun 155 konstituenna bakal terus ngarojong program pamarentah nu mihak ka masarakat.
Eep ngaku, jadi dewan tèh lain keur nèangan kauntungan, tapi pikeun merjuangkeun kapentingan masarakat. "Ieu kedah kauninga supados masarakat teu gaduh sangkian negatip, " pokna. *** Sopandi
