Network
GALURA.CO.ID. – Sakumaha nu dijadwalkeun saméméhna ku Komisi Pemilihan Umum (KPU), peuting ieu baris lumangsung debat pemilihan (Pemilu) anu kalima. Ieu debat téh mangrupa debat pamungkas saméméh asup masa tenang.
Ieu debat pamungkas Capres Pilpres 2024 téh tangtuna bakal dihadiran ku Anies Baswedan (capres nomor urut 1), Prabowo Subianto (capres nomor urut 2), jeung Ganjar Pranowo (capres nomor urut 3).
Sedengkeun moderator nu ditunjuk ku KPU pikeun mingpin jalanna debat nyaéta dua pembawa acara TVOne, Andromeda Mercury jeung Dwi Anggia.
Baca Juga: Presiden Jokowi Apresiasi Program PNM Mekaar Ngahontal Rp244 Trilyun jeung 15,2 Juta Nasabah
Jadwal Debat
KPU geus ngajadwalkeun debat kalima Capres Pemilu 2024 téh lumangsung peuting ieu.
Poé, tanggal: Minggu, 4 Februari 2024
Waktu : Pukul 19.00 WIB
Lokasi: Jakarta Convention Center (JCC), Senayan, Jakarta Pusat.
Stasiun TV anu nayangkeun: TVOne, ANTV, jeung Net TV.
Pikiran Rakyat Media Network (PRMN) gé bakal milu nyiarkeun debat capres kalima ieu liwat channel YouTube resmi Pikiran Rakyat.
Baca Juga: KPUD Majalengka Ngagelar Simulasi Pemilu 2024 di Desa Leuwiseeng, Udaganana Naon?
Téma Debat
Téma debat kalima Capres Pemilu 2024 ieu, nyaéta: Kesejahteraan Sosial, Pembangunan SDM dan Inklusi, anu ngawengku Pendidikan, Kesehatan, Ketenagakerjaan, Kebudayaan, Teknologi Informasi, Kesejahteraan Sosial jeung Inklusi.
Panelis Debat
KPU geus ngabéwarakeun 12 panelis debat capres anu réréana ti kalangan akademisi, jeung sababaraha urang di antarana praktisi nu ngagabung dina organisasi masarakat sipil.
Éta panelis nu 12 urang téh, nyaéta: Aminuddin Syam (Guru Besar Fakultas Kesehatan Masyarakat Universitas Hasanuddin); Asep Saepudin Jahar (Rektor Universitas Islam Negeri Syarif Hidayatullah Jakarta 2023-2027); Bahruddin (Inisiator Komunitas Belajar Qaryah Thayyibah jeung Anggota Badan Akreditasi Nasional Pendidikan Anak Usia Dini, Dasar dan Menengah); Damar Juniarto (Akademisi di UPN Veteran Jakarta); katut Emiritus PM Laksono (Guru Besar Antropolog, Fakultas Ilmu Budaya, Universitas Gadjah Mada).
Nu séjénna, nyaéta: Imam Prasodjo (Sosiolog Universitas Indonesia); Onno widodo Purbo (Ahli Teknologi Informasi/Wakil Rektor Institut Teknologi Tangerang Selatan); Reni Kusumowardhani (Psikolog Himpunan Psikologi Indonesia), Timboel Siregar (Sekrétaris Jenderal Organisasi Pekerja Seluruh Indonesia); Tolhas Damanik (Penasihat Hak Disabilitas pada General Election Network for Disability Access); Tukiman Tarunasayoga (Dosen Pascasarjana Program Penyuluhan Pembangunan Universitas Sebelas Maret Surakarta); jeung Vina Adriany (Guru Besar di bidang PAUD dan Gender, Universitas Pendidikan Indonesia).
Baca Juga: Loba Laporan Dirempakna Aturan Kampanye, Ngan Teu Diproses ku Panwascam Margahayu Kabupaten Bandung
Link Live Streaming Debat Kalima Capres Pemilu 2024
Sakumaha nu geus ditulis di luhur, Pikiran Rakyat Media Network (PRMN) gé bakal milu nyiarkeun debat capres kalima ieu liwat channel YouTube resmi Pikiran Rakyat.
Ieu link-na:
https://www.youtube.com/watch?v=BS27xLP3G5A
