GALURA.CO.ID -Komisi Pemilihan Umum Daerah (KPU) Kabupaten Majalengka ngagelar simulasi Pemungutan dan Perhitungan Suara Berbasis Pemilih real Pemilu Serentak Taun 2024, tempatna di Desa Leuwiseeng Kecamatan Panyingkiran Kabupaten Majalengka, Rebo (31/01/2024).
Ceuk Ketua KPUD Majalengka Teguh Fajar Putra Utama, ieu simulasi tujuanna keur meraktekkeun tata cara pemungutan jeung penghitungan suara di Tempat Pemungutan Suara (TPS).
Salian ti eta simulasi keur mastikeun kasiapan petugas pemungutan jeung perhitungan suara katut tahapanna mapag tanggal 14 Pebuari 2024, pesta demokrasi rakyat, digelar.
Baca Juga: KPUD Majalengka Gelar Bintek Sirekap, Aplikasi Penghitungan Suara Pemilu 2024
"Hal ieu supados urang tiasa mastikeun kasiapan perangkat di jajaran badan adhock dina palaksanaan pemungutan oge perhitungan suara," ceuk Teguh.
Disebutkeun Teguh, dina kagiatan simulasi oge keur sosialisasi ka masarakat sacara langsung. Dina hal ieu pemilih nu aub pemilih nu sabenerna (rill) di TPS 03 Desa Leuwiseeng. Salian ngedukasi ngeunaan kumaha tata cara engkena nalika Pemilu digelar.
Satuluyna hasil simulasi engkena bakal jadi bahan kajian analisa oge evaluasi hususna dina durasi waktu nu dibutuhkeun dina proses pencoblosan di bilik suara.
Perhitungan dina simulasi ngawengku sakumna rupa-rupa surat suara ti mimiti Presiden jeung Wakil Presiden, DPR RI, DPD RI, DPD Provinsi, katut DPRD Kabupaten/Kota.
Baca Juga: KPUD Majalengka Ngagelar Gathering Media, Dipiharep Media Nyiptakeun Kualitas Pemilu nu Hade