Network
GALURA.CO.ID -Bupati Bandung, Dadang Supriatna, nargètkeun dalapan kali noron meunang opini Wajar Tanpa Pengecualian (WTP) ti Badan Pemeriksa Keuangan (BPK) RI.
Ku kituna, Dadang Supriatna meredih ka Inspektorat Kabupaten Bandung sangka jadi lembaga nu nga-early warning ka OPD atawa dinas di lingkungan Pemkab Bandung.
"Ieu kacida penting kanggo nyinglar tindakan korupsi sareng tiasa ngaeliminasi potensi palanggaran hukum," ceuk Dadang Supriatna waktu ngaresmikeun gedong anyar Inspektorat di lingkungan Pemkab Bandung, di Soreang , Rebo 24 Januari 2024.
Dadang Supriatna ngaku panceg ngarojong Inspektorat ngajalankeun peranna ngabasmi korupsi sakaligus tanggung jawab dina pangawasan internal kana palaksanaan tugas jeung fungsi organisasi di lingkungan Pemkab Bandung.
Inspektorat, ceuk Dadang, lain saukur mibanda kawenangan keur ngalakukeun pangawasan, pamariksaan jeung audit kana pangokolaan jeung kagunaan pangayaan barang jeung jasa, tapi ogè mibanda kawenangan pikeun ngalakukeun pamariksaan jeung audit kana kagiatan, kewijakan, jeung proses di jero instansi pamarèntah daerah.
Ceuk Bupati Bandung, ku ayana peran inspektorat dina pencegahan dini, teu ukur bisa ngurangan panyimpangan hukum, tapi ogè kabuktian ngahadèkeun kinerja sakum rèngrèngan Pemkab Bandung.*** Sopandi
