Kamandang Ketua FDGH Kabupaten Bandung Ngeunaan Honorer jeung PPPK patalina jeung UU ASN No. 20 Tahun 2023

GALURA.CO.ID -Ketua Forum Diskusi Guru Honorer (FDGH) Kabupaten Bandung, Indra Gunawan nètèlakeun, Perubahan UU ASN No 5 tahun 2014 jadi UU ASN No 20 tahun 2024, geus resmi diundangkeun dina lembaran negara.

Hal eta ditepikeun ku Indra Gunawan dina seminar nu digelar Dinas Pendidikan, BKPSDM jeung PGRI Kabupaten Bandung, Saptu 20 Januari 2024, sacara hibrid, disaksian ampir ku sakum ASN PPPK Kabupaten Bandung.

Tina ieu seminar, Indra ngaku aya sababaraha point penting, tur aya hiji poin nu mincut perhatian guru honorer nu danget ayeuna can diangkat jadi ASN PPPK.

Baca Juga: Ketua Fraksi PDIP Kabupaten Bandung M. Luthfi Ngarasa Can Nyugemakeun Nyumponan Pameredih Masarakat

Salasahuni poin penting keur guru honorer tèh nyaèta UU ASN no. 20 Tahun 2023, kagolong ringkes, dibandingkeun UU Nomor 5 Tahun 2014 ngeunaan ASN.

UU Nomor 20 Tahun 2023 ngawengku 14 bab jeung 77 pasal, UU ASN samèmèhna ngawemgku 141 pasal.

Dina UU ASN 2023 merlukeun loba PP turunan. Lantaran UU Nomor 20 Tahun 2023 kagolong cukup ringkes, nya pasti bakal merlukeun loba pisan aturan turunan ti UU ASN.

"Sakedikna aya 24 pasal meryogikeun Peraturan Pemerintah (PP)," ceuk Indra.

Baca Juga: Angin Lilimbungan di Kuningan, 15 Imah Ruksak