Network
Dina ngarojong Calon Presiden (Capres), PDIP Majalengka ngarencanakeun ngadatangkeun Ganjar Pranowo di 6 nepi 7 rebu masarakat patani di Desa Putridalem, Kecamatan Jatitujuh.
Disebutkeun Karna, eta acara teu saukur fokus kana rojongan politik, tapi oge kana aspek kaarifan lokal katut partisipasi masarakat.
"Pa Ganjar bakal tuang ngariung sareng rayat sacara tradisional saluyu sareng kaarifan lokal. Katuangan nu disayogikeun oge hasil bumi Majalengka," ceuk Karna Sobahi.
Dina runtuyan acara, ceuk Karna, sajumlah 600 urang bakal mintonkeun rampak genteng Jatiwangi oge karya-karya lokal lianna. Ganjar Pranowo oge bakal masrahkeun bantuan Rutilahu keur masarakat Majalengka.
"Ieu acara oge bakal janten forum sulaturahmi antawis Ganjar Pranowo sarta Tim Pemenangan Daerah (TPD) nu dipupuhuan ku simkuring," ceuk Karna Sobahi.
Karena nyebutkeun sadaya komponen partey katut relawan bakal datang keur nataharkeun nyanghareupan Pemilu jeung Pilplres 2024.*** Ayank R Sambara
