Network
GALURA.CO.ID -Bupati Bandung, Dadang Supriatna, nyumangetan para atlet Kejuaraan Multievent Disabilitas Bupati Cup 2023 di Indoor Stadion Si Jalak Harupat, Kecamatan Kutawaringin, Kabupaten Bandung, Saptu (16/12/2023).
Event kalayan sulukna "Saatnya Disabilitas untuk Berprestasi" digelar ku Nasional Paralympic Committee Indonesia (NPCI) Kabupaten Bandung.
Dadang Supriatna miharep dina ieu event ngahasilleun atlet-atlet nu bakal disiapkeun dina kegiatan taun 2024 engkè, nyaèta dina pelaksanaan multi event olahraga Nasional Disabilitas Peparnas (Pekan Paralimpik Nasional) XVII di Medan, Sumatera Utara taun 2024.
Baca Juga: Bupati Bandung Ngaluuhan Senam Hijaiyah Keluarga Besar Muslimat NU
Lian ti eta nyanghareupan Event Peparda (Pekan Paralimpik Daerah) VII Jabar taun 2026 di Kota Bogor.
Dadang Supriatna ngapresiasi para atlet NPCI Kabupaten Bandung nu geus mibanda prestasi di Peparda VI Jawa Barat 2022 di Kabupaten Bekasi, tur miharep dina event Peparda Jabar taun 2026, para atlet NPCI Kabupaten Bandung ngahontal juara umum.
"Mugia atlet-atlet andelan NPCI Kabupaten Bandung tiasa ngarebut kajuaraan di tingkat nasional sareng tingkat provinsi," ceuk Dadang Supriatna.
Bupati Bandung ngaapresiasi hususna ka Ketua NPCI Kabupaten Bandung, Seni Aprilianty, jeung panitia pelaksana. Bupati amanat sajumlah cabang olahraga (cabor) nu dipatandangkeun ieu bisa dilaksanakeun sportif, fair.
