Network
GALURA CO.ID –Kabupaten Ciamis meunang bantuan beas 1.922 ton nu engkena dibagikeun ka 192.284 Keluarga Penerima Manfaat (KPM) di 27 Kecamatan di Kabupaten Ciamis, dibagikeunana ku kantor pos.
Beas nu 1.992 ton teh bantuan pangan tahap ka-2. Treuk nu muat beas bantuan dimiangkeun ku Wakil Bupati Ciamis H. Yana D Putra, Kemis (21/09/2023) di Gudang Bulog, Kabupaten Ciamis.
Sa-KPM narima beas 10 kilogram kualitas standart medium. “Ieu bantuan pangan tahap II keur periode bulan September, Oktober jeung Nopember,” ceuk Wabup Ciamis.
Baca Juga: Gunung Kromong nu Sohor Tempat Pamujaan Bakal Sirna, Dirakrak ku Pabri Semen
Wabup Yana miharep beas Kantor Pos ngadistribusikeun bantuan pangan ka nu bene-bener kudu dibantuan. Memeh miangkeun treuk nu muat beas bantuan pangan, Wabup ngaroris heula kualitas beas nu aya di Gudang Bulog Ciamis.
Wabup Yana hariwangeun bisi aya beas nu kualitasna handap. Sabada diroris beas nu bakal disalurkeun ka KPM teh kuliatasnya bener-bener luyu jeung stadar.
Asisten Pemerintahan dan Kesra, Kepala Dinas Pertanian, Kepala Dinas Sosial, Pimpinan Perum Bulog Kantor Cabang Ciamis jeung tamu ondangan lainna milu nyaksian treuk nu kaluar ti pakarangan Gudang Bulog Ciamis.***
