Network
GALURA CO.ID -Kuntul, salasahiji jenis manuk ti suku Ardeidae. Suku jeung beuheungna panjang, warna buluna bodas, sarta sumebar di sakuliah dunya. Sakulawarga jeung kuntul: cangak, kowak, jeung kokokan.
Habitat manuk kuntul di lahan basah, di basisir, rawa jeung di pasawahan. Kahakanana lauk, bangkong jeung jeung hewan invertebrata. Di pasawahan nu lega, sok katempo sabubuhan kuntul neangan kahakanan.
Ku tukang ngabedil, kuntul biasana tara dibedil, lantaran cenah mah dagingna teu ngeunah. Ku nu resepeun manuk oge kuntul mah tara diingu. Nu matak kuntul mah bisa tumaninah hirupna, kajaba mun pasawahan geus meotan.
Baca Juga: BumDes Sayati Rèk Ngokolakeun Runtah Mandiri, Hasilna Briket Dibeuli PLN
Tapi di Dusun Ciheras Desa Selacai, Kecamatan Cipaku, Kabupaten Ciamis, kuntul nu biasa nyiar kahakanan di Sawah Nusa jeung di sisi Walungan Cimuntur, kapanggih ngagoler. Singhoreng tatu tapak nu ngabedil.
Desa Selacai jeung desa sejenna di Kabupaten Ciamis sigana perlu nyieun peraturan desa (perdes) pikeun nangtayungan flora jeung fauna di wilyahna sewang-sewangan. Masing kumaha wae oge flora jeung fauna teh penting pisan jeung kasaimbangan ekosistim.***
