Network
GALURA. CO. ID - DPD Komite Nasional Pemuda Indonesia (KNPI) Kabupaten Majalengka ngagelar orientasi pengurus masa bhakti 2023-2026 di Obyek Wisata Taman Bee Park Argalingga Kecamatan Argapura, Saptu jeung Ahad 26-27 Agustus 2023.
Ketua KNPI Kabupaten Majalengka, Anto Febrianto, acara orientasi diiluan sakumna pengurus DPD katut 26 PK. Ieu kagiatan orientasi teh program kerja nu jadi blue print pikeun ngalaksanakeun roda organisasi salila periode kepengurusan KNPI 2023-2026.
"Sadaya widang ngadugikeun program kerja. Salian ti eta, diperedih kangge sakumna DPK ngajengkeun potensi Kecamatan sa- Kabupaten Majalengka nu bakal disoundingkeun sareng OPD-OPD di Pemerintah Kabupaten Majalengka, kangge program kerja di widang kapemudaan," ceuk Anto nu oge dosen di salasahiji perguruan luhur di Majalengka.
Baca Juga: Singanaga Beureum Bodas
Anto ngungkabkeun sababaraha potensi pemuda jeung potensi ekonomi kreatip kedah dikali pikeun mapag program Indonesia Emas 2045 jeung mapag rencana strategis pangwangunan di Kabupaten Majalengka. BIJB Kertajati nu dideudeul ku jalan tol Cisumdawu sarta Cipali tur geus tumuwuhna kawasan industri.
"Bonus demografi, ulah dugi pemuda di Majalengka ukur lalajo. Ku kituna KNPI Majalengka kalayan suluk "Speed, Solid, oge Smart" siap mapag tangtangan kalayan janten mitra strategis pamarentah Kabupaten Majalengka," ceuk Anto.
Acara dieusi ku bakti sosial: masrahkeun bantuan rutilahu titipan ti Bupati Majalengka ka warga Desa Argalingga sarta diskusi kapemudaan jejerna: "Peran Pemuda Menghadapi Pemilu 2024". Narasumber H. Asep Eka Mulyana jeung M. Fajar Shidik, CH.
Digelar deuih nu jejerna "Eksistensi Pemuda Majalengka di Tengah Isu Bonus Demografi". Narasumberna: Sekda Kabupaten Majalengka Drs. H. Eman Suherman, MM , Assiten Pemerintahan dan Kesra Setda Majalengka Rd. Umar Ma'rup , S. Sos, MM., Kepala BKPSDM Kabupaten Majalengka Dr. H. Irfan Nur Alam, SH, MH.
Baca Juga: Nikita Mirzani Bikin Heboh, Pecahkan Rekor di Shopee Live dengan Penjualan hingga 90 Kali Lipat
Bupati Majalengka nu diwakilan ku Staf Ahli Bupati Andi Hermawan ngaapresiasi KNPI Kabupaten Majalengka nu ngagelar orientasi pangurus. "Simkuring saparakanca siap sinergi (jeung KNPI), hayu sasarengan ngawangun kangge ngawujudkeun Majalengka Raharja, religius, harmonis, adil, sejahtera," pokna.
