GALURA.CO.ID -Runtuyan kagiatan Merdeka Membaca dina raraga HUT ka 78 RI taun 2023 di Komunitas Gada Membaca Desa Winduraja, Kecamatan Kawali, Kabupaten Ciamis, Saptu, 19 Agustus 2023, rengse dilaksanakeun.
Kagiatan Merdeka Membaca keur mieling HUT ka 78 RI di Komuitas Gada Membaca ditutup ku pertandingan olahraga Volli Ball Hlimun, jaring netna ditutup kaen terpal, di rest area Komunitas Gada Membaca, di Desa Winduraja, Kecamatan Kawali, Kabupaten Ciamis.
Dina Merdeka Membaca nu dipokalan ku Komunitas Gada Membaca dina ngareuah-reuah HUT ka 78 RI digelar sababaraha lomba keur masarakat di Winduraja, Kawali, Kabupaten Ciamis: kolot maca buku, ngarajut pangpanjangna, maca sajak Sunda, milih ibu rumah tangga pangrajinna maca jeung nginjeum buku.
Baca Juga: Marching Band Gema Nada MI Winduraja, Kawali, Kabupaten Ciamis, Sumanget Mieling HUT ka 78 RI
Ku mindeng digelarna kagiatan, kaasup dina raraga HUT ka 78 RI, nembongkeun Komunitas Gada Membaca lain ukur tempat maca, tapi oge nyadiakeun pasilitas keur rupa-rupa kagiatan nu ngaubkeun masarakat.
Ieu kagiatan jeung lomba teh gratis, sarta meunang rojongan ti pihak-pihak nu gede katineungna kana gerakkan literasi di desa. Sabada ngabagikeun hadiah, dipoto bareng diteruskeun dahar sangu liwet. *** Naufalia Qisthi, Relawan Gada Membaca