Cucun nyebutkeun urang sakumna kudu paham ngeunaan tata kelola. "Bahaya upami urang ngawangun teu jeung aturan. Potensi lahanna nu tiasa digunakeun sabaraha persen? Ruang terbuka hijauna sabaraha persen? Kana aturan kedah tumut. Upami dirempak ruksak ieu alam, " ceuk Cucun.
Cucun miharep ulah aya kakuatan-kakuatan nu teu bisa keuna ku aturan. "Punten, punten, ulah dugi ka upamina urang gaduh kakuatan tiasa ngabangun ieu, waktu dipariksa aya anu di luhurna, dugi] ka teu tiasa diparios. Teu tiasa kitu. Simkuring, urang Kabupaten Bandung, badè ngadugikeun ngeunaan hal ieu di Jakarta (DPR RI), " pokna.
Cucun nandeskeun, alam kudu dijaga. "Memang destinasi wisata dibangun kanggo ngaronjatkeun paekonomian masarakat, tapi teu kenging ngaharè-harèkeun aspek-aspek katingtriman tur kaamanan warga di sabudeureunana," pokna. *** Sopandi