Network
GALURA-Gawir jalan lingkungan di Desa Patala, Kecamatan Cilebak, Kabupaten Kuningan urug, Jumaah (17/2/2023), kira wanci tabuh 23.00 WIB.
Padahal, eta gawir jalan lingkungan teh geus make tembok penahan tebing (TPT), sakumaha umumna gawir jalan sejenna di Kuningan geus ditembok.
Tapi nu ngaranna musibah, henteu pancalaki, da tujuan ditembok sangkan sangkan taneuh urugna henteu pati rongkah isa katahan ku tembok atawa TPT tea.
Baca Juga: Lamping Cikentrungan Urug, Tilu Imah Kaancam
Kepala Badan Penanggulan Bencana Daerah (BPBD) Kabupaten Kuningan, Indra Bayu Permana, ngaliwatan Kasi Ratlog (kedaruratan dan logistik), Asep Hermawan, netelakeun taya korban jiwa dina musibat alam kasebut.
Ceuk Indra Bayu, TPT anu urug di Desa Patala panjang 15 meter, luhur 5 meter jeung rubak 60 senti meter, narajang bagean tembok kamar imah bogana Nuryadi (60).
