Network
GALURA – Korem 063 Sunan Gunung Jati meunang pangleler ti Kantor Pelayanan Perbendaharaan Negara (KPPN) Cirebon.
Pangleler ti KPPN Cirebon pikeun Korem 063 Sunan Gunung Jati teh dipasrahkeun dina acara Sosialisasi Peraturan Tata Cara Pembayaran Dalam Rangka Pelaksanaan APBN luyu jeung Permenkeu Nomer 232/PMK.05/2022 ngeunaan Sistem Akuntansi dan Pelaporan Keuangan Instansi.
Pamasrahan pangleler KPPN pikeun Korem 063 Sunan Gunung Jati teh lumangsung di Aula KPPN Cirebon, Jalan Tuparev, Kota Cirebon, Kemis, 16 Februari 2023.
Baca Juga: Market Day Sekolah Alam Quran Nur Madani, Numuwuhkeun Jiwa Wirausaha Siswa Dibarung Kajujuran
Sosialisasi KPPN Cirebon ge harita ngadadarkeun Permenkeu Nomer 178/PMK.05/2022 ngeunaan Tata Cara Penerbitan dan Pengesahan Surat Keterangan Penghentian Pembayaran Secara Elektronik.
Korem 063 Sunan Gunung Jati nampa pangleler KPPN minangka rengking kahiji (sangat baik) sual Kinerja Pelaksanaan Anggaran Taun 2022 ti 112 Satuan Kerja (Satker) di Kota/Kabupaten Cirebon tur Indramayu pikeun kategori Pagu Dipa Rp200 milyar tepi ka Rp600 milyar.
Eta pangleler pikeun Korem 063 Sunan Gunung Jati dipasrahkeun ku Kepala KPPN Cirebon, Lili Khamiliyah.
Baca Juga: Sistematika Naskah Pangeran Wangsakerta teu Beda jeung Karya Tulis Ilmiah Jaman Ayeu
Sajeroning kitu, Danrem 063 Sunan Gunung Jati, Kolonel Inf Dany Rakca, ngahaturkeun nuhun, bingah, tur sukuran ku meunangna eta pangleler KPPN.
Ieu prestasi teh minangka hasil gawe sarerea anggota Korem 063 Sunan Gunung Jati.
"Kuring ngahaturkeun nuhun sarta apresiasi ka sakumna anggota Korem 063 Sunan Gunung Jati nu geus nembongkeun ketak hade dina ngokolakeun anggaran nu diamanatkeun ku nagara,” pokna.
Baca Juga: Di Museum Negeri Sri Baduga Naskah Pangeran Wangsakerta Aya Opat Seri Sejarah
Anapon pangleler KPPN teh dumasar pangajen 12 Indikator Kinerja Pelaksanaan Anggaran (IKPA), nyaeta Pengelolaan Uang Persediaan, Data Kontrak, Kesalahan SPM, Retur SP2D, Halaman III DIPA, Revisi DIPA, Penyelesaian Tagihan, Rekon LPJ Bendahara, Perencanaan Kas, Penyerapan Anggaran, Dispensasi SPM, sarta Pagu Minus.
“Kuring miharep ieu pangleler teh jadi pamecut Korem 063 Sunan Gunung Jati enggoning ngahontal pretasi sahade-hadena dina taun 2023. Kitu deuih, rukun gawe salila ieu jeung KPPN ge baris terus dironjatkeun,” ceuk Kolonel Inf Dany Rakca. ***
