Sastra Sunda Putri Anjungsari (92), Marulang ka Pasir Raksabumi, Disampeurkeun ku Lalaki Anyar Pinanggih

“Arandika nu sok beberesih di dieu?” Aki Jaya nanya.

“Teu salah, Ki.”

“Geuning memehna tara katempo,” Aki Jaya nanya deui.

“Kaula dibere pancen ku Aki Kanta, sina beberesih jeung nganteur semah nu hayang menekung, sabot Aki Kanta lunta.”

“Ka mana kitu Aki Kanta?”

“Nyebutna mah ka kulon.”

“Geus lila?”

“Lima poe ka tukang.”

“Ke ari arandika urang mana?”

“Urang dieu.”