Network
GALURA.CO.ID -Saban lebaran kadua ( H+1 Idul Fitri) kulawarga besar Muhammad Thayyib bin Thohir - Siti Zenab (1914-1979) teu welèh ngayakeun silaturahmi (reuni).
Taun ayeuna, 02 Syawal 2445 H, ninggang di tanggal 11 April 2024 M, pikeun nu ka 31 taun digelar di salasahiji panganjrekan seuweu Muhammad Thayyib di Sadu, Kecamatan Soreang, Kabupaten Bandung.
Sesepuh ti keluarga salasahiji seuweu generasi kahiji Muhammad Thayyib, Leman Sulaeman nyebutkeun, maksud reuni teh pikeun mageuhkeun beungkeutan silaturahmi kalawan dasar sababaraha katerangan: singsaha nu nyambungkeun silaturahmi bakal dipanjangkan umur, diparekkeun rijki jeung jaminan surga.
Reuni diieusi ku tausiah nu ditepikeun ku Ustad Awan Fatriswana, salasahiji munantu generasi kahiji (seuweu Muhammad Thayyib). Materi nu ditepikeun kautamaan silaturahmi jeung kawajiban solat nu ngarupakeun tihang agama, atawa nu nyambungkeun sakabeh ibadah.
Satuluyna pamasrahan cindramata kadeudeuh ka putra Muhammad Thayyib nu masih aya, dituluykeun ku macakeun silsilah katurunan Muhammad Thayyib. Laju minton barudak ti kulawarga Muhammad Thayyib dina apalan ayat-ayat Al-Quran.
Kulawarga Muhamnad Thayyib ti entragan munggaran tepi ka ayeuna, ti anak, minantu, incu, bao jeung buyut geus aya kana 500 urang.
Leman Sulaeman ogè nyebutkeun, mimiti diayakeun reuni tina obrolan jeung anak (generasi 1) Muhammad Thayyib nu harita 7 urang ti 8 anak Muhammad Thayyib, da nu saurang geus tilar. Nya reuni diayakeun nu munggaran taun 1993.
Baca Juga: Lebaran Taun Ayeuna Taya Warta Macetna Cileunyi, Nagreg, Limbangan jeung Malangbong
Tepi ka ayeuna ukur sakali teu dilaksanakeun waktu pandemi. Tempatna ogè teu robah, teu weleh di Sadu Soreang. Kungsi sakali di Banjaran, ogè di salasahiji seuweu Muhammad Thayyib. Tapi satuluyna terus di Sadu Soreang. Nu ka 31 ayeuna ukur nyesa saurang generasi kahiji.
Muhammad Tahyyib (Siti Zenab) jumeneng taun 1914-1979. Boga dulur Aki Ongeng (Pasawahan Margahayu), Nini Iti (Pangarang Bandung), Nini Encuk (Pasawahan Margahayu), Aki Anah (Pasawahan Margahayu) Aki Ukri - Nini Iyam, (Sayati Lama Margahayu), Aki Asih - Nini Uki (Sayati Lama Margahayu), Aki Emed - Nini Amah (Sayati Lama Margahayu).
Muhammad Thayyib boga seuweu Oen Eppendi (bojona: Imas Nana / Enah), dumuk di Sayati Hilir Margahayu, Syahro- Iti (Sayati Margahayu), Dewi- Idir (Sadu - Soreang), Hasan Waroi'-Euis Juariah (Sayati Lama Margahayu), Entim- Oking (Sayati Lama Margahayu), Iya Wibisana -Yuyu S/Nani (Sayati Lama Margahayu), Sukanda- Sumiyati (Sayati Lama Margahayu), Syarif Hidayat- Iroh/ Susilawati (Sayati Lama Margahayu). *** Sopandi
