Network
GALURA.CO.ID - Salian ngalaksanakeun kagiatan fisik ngabangun insfrastruktur, Satgas TMMD ka-119 Kodim 0617/Majalengka oge ngalaksanakeun kagiatan non-fisik.
Salasahijina penyuluhan Bela Negara ka siswa SMPN 4 Lemahsugih, di Desa Cipasung, Kecamatan Lemahsugih, Kabupaten Majalengka, Jumaah (01/03/2024).
Dansatgas TMMD ka-119 Kodim 0617/Majalengka, ditepikeun ku Pasiter Kodim 0617/Majalengka, Kapten Inf Mastam nyebutkeun ieu kagiatan teh sasaran non-fisik dina mere penyuluhan-penyuluhan ka sakumna masarakat, anu utama ka regenasi tuturus bangsa.
Baca Juga: Dandim 0617/Majalengka Ngaroris Harga Bahan Sembako di Wilayah Kabupaten Majalengka
Di lokasi kagiatan, Kapten Inf Baderi, pemateri netelakeun, ku ayana penyuluhan Bela Negara dipiharep bakal tumuwuh bukti disiplin waktu, aktivitas oge kagiatan lianna, ngabentuk mental tur fisik anu tohaga.
Anu pangutamana numuwuhkeun cinta tanah air keur bangsa Indonesia di kalangan generasi panerus bangsa.
"Pembekalan Bela Negara ditujukeun kangge ngawangun generasi panerus bangsa anu mibanda karakter sareng kagungan jiwa nasionalisme," ceuk Inf Baderi.
"Dina hal ieu tangtos bakal tiasa ngawujudkeun generasi ngora anu siap-siaga mayunan tangtangan dina waktos kapayunna. Hususna di lebet kamajengan elmu pangaweruh sareng teknologi," ceuk Baderi
Baca Juga: Ngudag Target, Satgas TMMD ka-119 Kodim 0617/Majalengka Nuluykeun Ngarehab Madrasah
