GALURA.CO.ID- Bupati Bandung, Dadang Supriatna, miharep, kumaha waè hasil kaputusan pleno nu digelar KPU Kabupaten Bandung hal nu alus pikeun kamajuan bangsa, nagara, katut kamajuan Kabupaten Bandung ke hareupna.
Kituna ditepikeun Dadang Supriatna ka wartawan satutas ngaluuhan bubuka Pleno Rekapitulasi Hasil Penghitungan Perolehan Suara Tingkat Kabupaten Bandung Pemilu 2024 di Hotel Sutan Raja Soreang, Kabupaten Bandung, Juma'ah, 01 Maret 2024.
Dadang Supriatna nu dibarengan Ketua DPRD Kabupaten Bandung, Sugianto jeung Ketua KPU Kabupaten Bandung, Syam Zamiat nganuhunkeun ka masarakat nu geus ngagunakeun hak pilih, nyoblos dina tanggal 14 Februari 2024
Baca Juga: Pemilu 2024, Ketua DPRD Kabupaten Bandung Ngamalum sok Aya Human Eror di Tingkat PPS
Bupati bandung oge nganuhunkeun ka panyalagra Pemilu 2024 nu geus ngajalankeun rupa-rupa tahapan Pemilu, tug nepi ka danget ayeuna ngalaksanakeun rekapitulasi.
Dadang Supriatna miharep rekapitulasi di tingkat Kabupaten Bandung bisa lumangsung lancar luyu jeung nu dipiharep sakumna pihak.
"Simkuring yakin urang ngalaksanakeun Pemilu kalayan langsung umum bebas rahasia," ceuk Bupati Bandung.*** Sopandi