Network
GALURA.CO.ID -Satgas TMMD ka-119 Kodim 0617/Majalengka teu reureuh ngagarap jeung ngarengsekeun Sasaran Fisik Utama. Kiwari keur masangkeun box culvert, Salasa (27/2/2024) di Desa Cipasung, Kecamatan Lemahsugih, Kabupaten Majalengka.
Dansatgas TMMD ka-119 Kodim 0617/Majalengka Letkol Dudy Pilianto, S.Pd., M.I.P., ditepikeun Pasiter Kodim 0617/Majalengka Kapten Inf Mastam netelakeun, box culvert dipasang keur saluran cai atawa irigasi jeung keur saluran cai handapeun jalan.
"Masangkeun box culvert tujuanana supados aliran cai anu ngalir teu ngeueum jalan. Masangkeunana ngagunakeun alat berat. Box culvert dipasang meulah jalan kangge ngalirkeun cai ti palih kenca ka palih katuhu," ceuk Mastam.
Hal ieu sangkan teu ngabalukarkeun cai ngeyembeng. Cai ngeuyeumbeu taneuh bakal beyetek tur kaayaan taneuh bakal mudun.
"Box culvert salasawios nu nunjel dibukana jalan sapanjang 3000 meter. Kanggo saluran cai kedah dipasangn Box Culvert. Ka payunna cai teu ngeueum badan jalan,” ceuk Kapten Inf Mastam.*** Ayank R Sambara
