Network
GALURA.CO.ID -Dina raraga mastikeun kalancaran tur kaamanan proses Pemilihan Umum 2024, personil ti Polsek Palasah Polres Majalengka Polda Jabar jeung Koramil Sumberjaya sinergi keur ngalaksanakeun pengamanan logistik Pemilu di Kantor PPK Palasah, Kabupaten Majalengka.
Kagiatan pengamanan ieu dilaksanakeun kalayan rekep dina poe Ahad (18/2/2024). Hal eta pikeun mastikeun sakumna logistik pemilu kalayan hade.
Personil gabungan katempo ngalaksanakeun patroli di sabudeureun kantor PPK Palasah. Di antarana keur mastikeun yen area sabudeureunna aman terkendali.
Baca Juga: Tilu Poé Sabada Pemilu, Anggota KPPS di Kuningan Tilar Dunya
Personil oge mantuan dina pengaturan lalu lintas sarta mastikeun logistik pemilu nu asup jeung kaluar ti kantor PPK lumangsung kalayan lungsur langsar.
Kapolres Majalengka Polda Jabar, AKBP Indra Novianto, S.I.K, M.Si, CPHR, ditepikeun Kapolsek Palasah, IPTU Heru Samsul Bahri, SE.,MM., netelakeun pentingna rempug gawe antara kapulisian jeung TNI dina ngajaga kaamanan tur kalancaran proses Pemilu.
"Hatur nuhun kana kerjasama nu hade antawis personil Polsek Palasah sareng Koramil Sumberjaya dina raraga pangamanan logistik Pemilu di Kantor PPK Palasah," ceuk Heru Samsul Bahri.
"Tangtosna Kerjasama ieu kawilang penting kangge nangtoskeun proses demokrasi lumangsung kalayan lungsur langsar tur aman," ceuk IPTU Heru Samsul Bahri.
Ceuk Dandim 0617/Majalengka Letkol Inf Dudy Pilianto, Danramil 1711/Sumberjaya Kodim 0617/Majalengka Kapten Inf Iyus Ibnu Khajar, nyebutkeun yen ku ayana pangamanan nu rekep ieu, dipiharep logistik Pemilu bisa kadistribusikeun kalayan hade tur aman.
