Network
GALURA.CO.ID -Ketua Fraksi Demokrat DPRD Kabupaten Bandung, H. Osin Permana, ngaku geus narèkahan jeung umajak ka masarakat aub dina Pemilu 14 Pebruari 2024 engkè.
Komo deui, Osin nu ogè minangka tokoh agama, dina pemilu 2024 matandang deui nyalonkeun anggota DPRD Kabupaten Bandung.
Prinsip Osin Permana, teu wanoh moal bogoh. Jadi dirina leuwih ngawanohkeun diri deui ka masarakat Ti mimiti ngaran, partai, katut nomer urut.
Baca Juga: Nargètkeun 8 Kali WTP Noron, Bupati Bandung Merdih Inspektorat Nhhajalankeun Fungsina Kalayan Hadè
"Komo deui engkè di TPS, pamilih nampi Surat Suara nu seueur partai sareng nomer urut tur nami teu aya potooan. Janten urang kedah langkung ngawanohkeun diri. Upami tos ihtiar maksimal hasilna kantun disanggakeun ka Alloh, " ceuk Osin di rohang Fraksi Demokrat, Rebo, 24 Januari 2024.
Osin balaka, dirina ogè geus ngalakukeun kawajiban salaku anggota DPRD Kabupaten Bandung wawakil ti Daerah Pemilihan (Dapil) 7 nu ngawengku Kecamatan Banjaran, Pameungpeuk, Cimaung, Pangalengan, katut Kecamatan Arjasari.*** Sopandi
