Network
GALURA.CO.ID -Dina taun 2024 Perumda Air Minun Tirta Raharja Kabupaten Bandung ngarèngsèkeun sambungan pamasangan palanggan anyar di dua wilayah, nyaèta di Kecamatan Margahayu jeung Kecamatan Margaasih.
Supervisor Humas Perumda Air Minum Tirta Raharja, Harry Faizal dina WA ka Galura, Rebo, 17 Januari 2024, nyebukeun, target pamasangan di dua wilayah bieu jumlahna 2.500 sambungan anyar.
Pamasangan sambungan palanggan anyar Perumda Air Munum Tirta Raharja di dua wilayah tadi diresmikeun Bupati Bandung Dadang Supriatna di Balai RW 15, Komplek Cicukang Indah, Desa Mekarrahayu, Kecamatan Margaasih, Kabupaten Bandung, Senin (9/1/2023) sataun ka tukang.
Baca Juga: Nyanghareupan Puncak Usum Hujan Pemkab Bandung Umajak Masarakat sing Leuwih Ariat
Sabaraha hiji jumlah cindekna pamasangan anyar nu geus rèngsè di wilayah Margahayu jeung di Margaasih tepi ka kiwari tacan dikanyahokeun.
Ngan, dumasar paniten di lapangan di Komplek Margaahayu Permai, di paro taun 2023 masih katitèn pihak PDAM ngagawèan pemasangan pipa. Tepi ka ahir 2023 geus rèngsè.
Ahir 2023, di wilayah Margagayu pamasangan pipa Jaringan Distribusi Utama (JDU) kurang lebih 2.400 mt, ogè karèk rèngsè.
Pemasangan anyar di dua wilayah bieu dibagèakeun warga. Najan warga geus boga sumur cai, ngan kaayaan caina geus teu bisa digunakeun, kurang alus. Tèmpo halodo geus tara bijil cai.*** Sopandi
