Network
GALURA.CO.ID -Dina Kampanye Pemilu 2024 sakumna kader jeung simpatisan Partai Nasdem terus bagerak jeung bagerak meh taya reureuhna. Ngasosialisasikeun Calon Presiden (Capres) dan Cawapres, Anis Baswedan-Muhaimin Iskandar (AMIN) ka sakabeh wilayah Indonesia, kaasup Jawa Barat.
Anggota DPRD Jabar ti Nasdem, H.Eryani Sulam, M.Si optimistis Paslon AMIN unggul di Jabar. Pikeun hal eta kader Nasdem bareng partey Koalisi PKB, PKS, bajuang sangkan pasangan Capres-Cawapres Anies Baswedan- Muhaimin Iskandar (AMIN) unggul dina Pilpres 2024 tanggal 14 Februari engke.
“Geus jadi kawajiban, sakabeh kader Partai Nasdem bajuang sangkan AMIN, Anies Basedan-Muhaimin Iskandar jadi Presiden jeung Wakil Presiden dina Pilpres 2024. Partai Nasdem, PKS jeung PKB ngaoptimalkan kerja-kerja politik nu geus ditetapkeun jeung digariskeun samemehna,” ceuk Eryani.
Baca Juga: Dialog Capres 2024 jeung PWI, Anies Baswedan: ‘Tong Méré Dahareun ka Buzzer’
Rapat kerja Nasdem Jabar sawatara waktu ka tukang, ngahasilkeun sababaraha rekomendasi nu kudu dilaksanakeun jeung diestokeun ku sakumna pangurus jeung kader Nasdem keur ngaronjatkeun citra partey. Di antarana kolektifitas para kader ti mimiti tingkat DPW, DPC, Ranting tepi ka anak Ranting.
Kolektifitas sasama pangurus jeung kader Nasdem penting pisan keur bajuang jeung dina kerja-kerja pulitik sangkan meunang tempat di masarakat. Harepanana dina Pemilu 2024 Nasdem meunang sora nu lobha sarta nambah korsi di DPR RI, DPRD Provinsi jeung di DPRD Kabupaten Kota sajabar.
Eryani Sulam nu oge anggota Komisi V DPRD Jabar nyebutkeun hasil rakerda Nasdem Jabar geus jelas ngaoptimalkeun program kerja pulitik nu kudu diimplementasikeun ku sakumna kader jeung pangurus Nasdem di unggal tingkatan di Jabar. Dicontokeun dina nyanghareupan pasualan kudu merhatikeun kaarifan local.
“Nyanghareupan Pemilu 2024, boh Pilpres boh Pileg, Nasdem ngaronjatkeun kerja-kerja politik bareng jeung masarakat keur nohagaan persatuan dina pangwangunan. Nasdem optimistis AMIN unggul, sarta Nasdem bisa nambahan korsi di legsilatif,” ceuk Eryani Sulam nu jadi caleg keur DPR RI Dapil Jabar 8 (Kota Cirebon, Kabupaten Cirebon jeung Kabupaten Indramayu.***
