Network
GALURA.CO.ID -Ngabagèakeun Hari Disabilitas Internasional (HDI) taun 2023, Kementerian Sosial (Kemesos) RI lebah dieu Sentra Wyata Guna Bandung ngagelar sunatan massal jeung donor darah gratis.
Ieu kagiatan rukun gawè jeung sababaraha beberapa pihak, di antarana Komunitas Reader, Lions Clubs International District 307B2, Rumah Sakit Hasan Sadikin (RSHS) Bandung.
Lian ti eta, oge gawe bareng jeung Perhimpunan Dokter Spesialis Bedah Plastik Rekonstruksi dan Estetik Indonesia, Universitas Padjajaran (Unpad), Palang Merah Indonesia (PMI), jeung nu sèjenna.
Baca Juga: Dilaksanakeun ku Sentra Wyata Guna Bandung Kemensos Nyalurkeun ATENSI
Kana 77 panyandang Disabilitas Sensorik Netra nu lolos pamariksaan kasehatan aub kana donor darah. Ari nu disunatan massal aya 45 urang barudak.
Kepala Sentra Wyata Guna Bandung Iri Sapria nganuhunkeun ka sakumna pihak nu geus aub. Dina kasempetan harita ogè Iri nepikeun, sajaba donor darah jeung sunatan masal, dina rarga HDI 2023 digelar operasi katarak .
"Simkuring ngalaksanakeun kagiatan dina rarga ngabagèakeun HDI taun 2023, mugia kagiatan sarupa kieu neras sareng aya mangpaatna," ceuk Iri dina lolongkrang acara di Sentra Wiyata Guna Jalan Pajajaran Bandung, Kemis 23 Nopember 2023.*** Sopandi
