Network
GALURA.CO.ID -Kapolres Majalengka Polda Jabar AKBP Indra Novianto, S.I.K., M.Si., CPHR, milu makalangan dina Kejuaraan Tembak Reaksi IPSC Kapolda Jabar Championship dina raraga HUT Brimob ka-78, Saptu (07/10/2023).
Kapolres Majalengka dibarengan ku Wakapolres Majalengka Kompol Bayu Purdantono, S.I.K., M.I.K., katut rengrengan Pejabat Utama (PJU) Polres Majalengka. Tempat Kejuaraan Tembak Reaksi IPSC di Lapangan Tembak Dharma Ksatria Batalyon C Pelopor Brimob Cirebon.
Kapolres Majalengka ngaapresiasi antusiasme pamilon Kejuaraan Tembak Reaksi IPSC sarta teu weleh mere sumangat jeung motivasi. "Partisipasi dina kagiatan sapertos ieu buktos nyata sumanget solidaritas sareng sauyunan,” pokna.
Salian kagiatan kompetisi nu sehat, ceuk Kapolres Majalengjka kajuaraan tembak oge ngaraketkeun tali silaturahmi antaea anggota kapulisian ti sababaraha daerah.
Wakapolres Majalengka, Kompol Bayu Purdantono nambahkeun ku ieu kajuaraan Polres Majalengka hayang ngelingan pentingna latihan katut ka-parigelan dina ngalaksanakeun tugas kapulisian. Kaasup getapan dina nyanghareupan situasi reaksi cepat.
"Kejuaraan Tembak Reaksi IPSC Kapolda Jabar Championship teh momen nu sarat ma’na. Salian pikeun mieling HUT Brimob nu ka-78, oge kandaga pikeun ngaronjatkeun kaparigelan katut sumanget sakumna personel kapulisian," ceuk Wakapolres.
Sumanget kompetisi nu sehat, dipiharep bisa ngahudangkeun sumanget joang jeung profesionalisme dina ngalaksanakeun tugas kapulisian pikeun ngawujudkeun kaamanan tur katartiban di masarakat.*** Ayank R Sambara
