Network
GALURA.CO.ID -Ketua Women Self Defense of Koporyu (WSDK) Cabang Kota Bandung jeung Ketua Koporyu Jujitsu Indonesia Cabang Kota Bandung, Dr. Ida Hindarsah, S.Sos., M.M., M.Si., Ahad (10/9/2023) diistrenan jadi Ketua Umum Pengurus Besar Jujitsu Indonesia PBJI Kota Bandung.
Diistrenana di Gedung Koni, Jalan Jakarta Kota Bandung nu diluuhan ku sakumna para tokoh olah raga jeung wawakil ti unsur Pemkot Kota Bandung.
Dina biantarana, Ketua Umum PBJI Jawa Barat, dr Ali Martomo nu dijejeran ku Sekum PBJI Jabar, Khaerul Imam, netelakeun, Ketua PBJI Kota Bandung pinilih jeung pangurus masa bakti 2023-2025, kudu mampu ngaraketkeun kinerja organisasi.
Lian ti eta oge kudu ngawangun hubungan lintas organisasi jeung insan organisasi olahraga sejenna nu aya di Kota Bandung. "Ketua jeung pangurus nu nembe disumpah, kudu mampu ngaadopsi, nanjeurkeun jujitsu jadi pelopor tumuwuhna Ekosistem Sport Business,” pokna.
"Cohagna mah, lain aspek prestasi wungkul, tapi aspek ekonomi ge kudu dironjatkeun, bari tetep ngajungjung local wisdom, ngahijikeun jeung numuwuhkeun sumanget bushido jujitsu," pokna deui.
Ngajawab pananya Galura, Ida Hindarsah nu sapopoena dosen di FISIP Unpas Bandung, ngebrehkeun, jujitsu, cabang olahraga beladiri nu can pati dipikawanoh ku publik, boh di kota Bandung boh di tingkat Jabar.
Patali jeung dirina diamanahan jadi pingpinan jujitsu di Kota Bandung, Ida umajak ka sakumna pangurus, babarengan deui ngawanohkeun jeung ninun prestasi olahraga jujitsu, di tingkat nasional jeung internasional.
