Network
Tina sababaraha sumber, panaliti LAPAN BRIN Andi nyebutkeun, Idul Futri atawa 1 Syawal 1444 Hijrah diperkirakeun bakal ninggang dina poè Saptu Pon, 22 April 2023.
Andi ngajelaskeun, hal ieu lantaran darajat luhurna bulan nu diukur di luhur ufuk masih kurang tina 3 darajat atawa leuwih pasna keur luhurna hilal di Indonesia tèh rupa-rupa antara 1,3 tepi ka 2,5 derajat di luhur ufuk.
Ari elongasina masih kènèh antara 2,25 - 3,75 darajat. Tina kituna tacan nyumponan kriteria Menteri Agama Brunei Darussalam, Indonesia, Malaysia katut Singapura (MABIMS).
MABIMS nyaratkeun darajat luhur minimal 3 darajat di luhur ufuk jeung elongasi atawa jarak sudut antara bulan jeung panon poè minimal 6,4 derajat.
"Hilal 20 April 2023 dina sorè isukna tèh rada hèsè dititènan, sanajan ngagunakeun alat bantu saperti teleskop," ceuk Andi.
Ku sabab kitu, taksiran, ditambah geus aya katetepan tii Muhammadiyah, bakal gedè kamungkinan lebaran Idul Fitri 1444 di Indonesia bakal aya beda waktu.*** Sopandi
