GALURA- Gubernur Jawa Barat Ridwan Kamil, nyebutkeun revitalisasi objek wisata Waduk Darma, di Desa/Kecamatan Darma, Kabupaten Kuningan, jadi bagean tina konsep pembangunan di Jawa Barat.
Pikeun revitalisasi Waduk Darma, Pemerintah Provinsi Jawa Barat geus ngagolontorkeun anggaran anu jumlahna ngahontal Rp 30 miliar.
Waragad anu sakitu badagna, pikeun dua kali anggaran. Gubernur miharep, objek wisata Waduk Darma jadi destinasi wisata unggulan, kelas internasional.
Baca Juga: Anis Baswedan, Mulangkeun Panineungan di Lemah Cai Kuningan
Ceuk Ridwan Kamil, kiwari kaayaan objek wisata geus barobah leuwih hade lamun dibandingkan reujeung kaayaan Waduk Darma samemehna.
Inyana miharep, bisa rukun gawe fungsi alam jeung fungsi sosial, lantaran wisatawan anu datang ka Jawa Barat jumlahna ngahontal 500 juta urang sataunna.