Network
GALURA – Badan Pendapatan Daerah (Bapenda) Jawa Barat boga program SAMADES alias Samsat Masuk Desa, panglayan mayar pajeg kendaraan di desa-desa.
Ngurus surat tanda nomor kendaraan (STNK) gé bisa dilakukeun di SAMADES.
Éta program SAMADES téh minangka inovasi panglayanan mayar pajeg kendaraan di desa-desa nu kawilang mencil, tur jauh ti Kantor Samsat induk atawa Samsat Keliling.
SAMADES ditempatkeun di lokasi nu babari dijugjug, saperti di kantor lurah/desa, camat, atawa di bale desa, kalawan operasional unggal poé kajaba poéan libur.
Sakumaha nu dicutat tina bapenda.jabarprov.go.id, SAMADES téh panglayan inovatif sangkan warga mingkin babari ngajugjug tempat mayar pajeg kendaraan atawa lagu ngurus STNK.
Baca Juga: Jajang Saepudin, Anggota Polisi nu Sok Ngali Liang Kubur Dileler Pangajen
Tah, kiwari Program SAMADES Bapenda Jawa Barat aya di:
Kantor Kecamatan Gunung Sindur, Kabupaten Bogor; Kantor Desa Patrol, Kecamatan Sukra, Kabupaten Indramayu; Kantor Desa Ciganjen, Kecamatan Padaherang, Kabupaten Pangandaran; Kantor Kecamatan Manonjaya, Kabupaten Tasikmalaya; Kantor Desa Cikelat, Kecamatan Cisolok, Kabupaten Pelabuhan Ratu; Kantor Desa Talaga Kulon, Kabupaten Majalengka; Kantor Desa Ciganjeng, Kecamatan Kalipucang, Kabupaten Pangandaran; Kantor Desa Panongan Kecamatan Palimanan, Sumber, Kabupaten Cirebon; Balai Desa Kadugede, Kecamatan Kadugede, Kabupaten Kuningan; Kantor Desa Cipanas, Kecamatan Cipanas, Kabupaten Cianjur; Kantor Desa Lemah Abang Kecamatan Lemah Abang, Kabupaten Karawang; Kantor Desa Situmekar, Kecamatan Cisitu, Kabupaten Sumedang; Kantor Desa Wanaraja Kecamatan Wanaraja, Kabupaten Garut; Kantor Desa Rancah Kecamatan Rancah, Ciamis; di Ciranjang, Jl. Raya Ciranjang, Cianjur; Kantor Desa Kasomalang Kulon, Kabupaten Subang; Kantor Kecamatan Ciparay, Kabupaten Bandung; Kantor Kecamatan Harjamukti, Jl. Pramuka No. 1 Kalijaga, Kota Cirebon; Kantor Desa Cibodas, Kecamatan Bojonggenteng, Kabupaten Sukabumi.
Anapon Kios Samsat mah aya di Kantor Kelurahan Cimuning, Kota Bekasi; Kantor Kelurahan Karyamukti, Kecamatan Pataruman, Kota Banjar; Kantor Kelurahan Rangkepan Jaya, Kota Depok; Pasar Kontemporer Sarijadi, Kota Bandung; katut di Kantor Kelurahan Warudoyong, Kecamatan Warudoyong, Kota Sukabumi.***
