Network
GALURA-Saptu, (11/2/2923), kira wanci tabuh 19.30 WIB, kaayaan di Kedai Juanda, anu perenahna di Jalan Juanda, lelewek Kelurahan Cijoho, Kecamatan Kuningan, katangen haneuteun ku anu jarajan.
Kituna teh pantes, sabab anu datang ka eta kedai bogana Eka Mulyawan teh, urang Cijoho, dina saban malem Ahad mah leuwih rea batan peuting-peuting biasa.
Nyedek peuting, nu daratang mingkin rea. Aya anu mawa kulawarga, barudak , nempatan korsi jeung meja bunder, teu beda reujeung korsi jeung meja rohangan tamu di Imah.
Ceuk Eka, saban malem Ahad mah sok midangkeun band lokal Kuningan, anu maneuh ngahibur sakur tatamu ngadon jarajan, bari reus ngobrol rineh di eta kedai.
Baca Juga: Kedai Juanda, Dahareunna Mah Lumrah, Konsépna Nenggang Ti Nu Séjén
"Memang, sapertos kieu saban malem Minggu teh. Enya-enya santey we, sapertos di bumi," ceuk Eka.
Dina selang-selang personil midangkeun lagu tatamu ditawaran ngahaleuang.
"Mangga anu bade nyobian nyanyi, tong isin-isin atanapi asa-asa," ceuk salah saurang personil band di eta kedai teh.***
