Network
GALURA - Aya catetan goreng Persib mun adu hareupan jeung Bali United dina laga liga atawa naon wae ngaranna.
Catetan nu ditujul teh: Persib can kungsi meunang lawan Bali United. Eta teh lain sataun dua taun tapi ti taun 2017 keneh.
Mun teu salah, Persib kungsi gedeg, tapi reremenna mah keok, wowotan, tijengkang wae mun lawan Bali United.
Baca Juga: Persib Nyiapkeun 22 Pamaen pikeun Nyanghareupan Bali United di Maguwoharjo, Ieu Berendelanana
"Ti 2017, Pangeran Biru can kungsi meunang mun adu hareupan jeung Serdadu Tridatu, dina unggal pertandingan," kitu cek laman Persib.
Eta sababna, laga Persib lawan Bali United dina minggu ka 23 Liga 1 2022/2023 di Stadion Maguwoharjo, Sleman, Yogjakarta sore ayeuna jam17.00 WIB, matak ngahudang rasa panasaran.
Mun nilik kaayaan ayeuna, Persib saestuna boga kans gede keur ngarubah hasil salila ieu dina pertandingan ayeuna.
Apanan, Persib ayeuna keur meujeuhna mangprang, beda jeung Bali United.
Persib kiwari aya dina tilu besar klasemen, bari ngoleksi niley 45 tina 14 kali meunang, 3 gedeg jeung 4 eleh.
Sedengkeun Bali United cicing di urutan genep klasemen kalawan nyakuan niley 35, tina hasil 11 kali meunang, 2 gedeg jeung 8 eleh.
Baca Juga: Ratu Wilhelmina Kawin ka Pangeran Hendrik, Perkebunan Pasirmalang Diduruk
Ku eta hal katingali yen performa Persib ayeuna keur aya di "luhureun" Bali United.
Eta hal diaku oge ku palatih Persib Luis Milla.
Ngan najan kitu, Luis Milla ngebrehkeun yen Bali United tetep jadi kleup nu dieusian ku pamaren harade. Bali United oge pasti boga motivasi gede pikeun naek deui, jeung masang tekad, bisa ngelehkeun Persib.
Baca Juga: Tasyakur Binimah HPN 2023 di Rumdin, Bupati: Ku Peran Pers Kabupaten Bandung Bisa Kawas Kieu
"Dina laga engke, tetep Persib ulah nganggap remeh lawan. Persib kedah tandang makalangan kalawan sampurn, ti awit transisi nahan serangan nepi ka nyerang lawan," pokna.
Di sejen pihak palatih Bali United Stefano Cugurra Teco oge ngaku yen kleupna ayeuna keur nyirorot.
Ngan dina nyangharepan Persib, timna geus mopohokeun hasil goreng kamari.
Baca Juga: Ngahirupkeun deui Galih jeung Ratna, ‘Gita Cinta dari SMA’ Ngahudang ‘Baper’ nu Lalajo
"Bali United rek total dina laga engke. Mudah-mudahan bisa meunang, malar Liga leuwih rame deui," pokna.
Nu peryogi link live streaming Persib vs Bali United, ieu di handap.
Wilujeng nongton!***
