Baca Juga: Kabayan Ngalanglang Jaman (11) : Sapu Nyéré Pegat Simpay
TILU
TATAR Sunda, taun 2020 Masehi.
Sabot Profésor Kabayan ngalanglang jaman, aktivis LSM jeung organisasi mahasiswa demonstrasi di mana-mana. Lain sakuliah Indonesia baé, tapi di sakuliah jagat. Alam dunya jadi riceuw. Eukeur mah Iran jeung Arab Saudi diprotés ku sababaraha nagara jeung badan internasional alatan ngembangkeun senjata nuklir nu bisa ngancurkeun, ayeuna Profésor Kabayan kalah der nyieun mesin waktu.
Naha bet diprotés?
Kapan mesin waktu mah lain nuklir nu bisa ngabahayakeun saréréa?
His, ceuk saha?
Da saenyana mah mun Profésor Kabayan wungkul nu boga mesin waktuna, rada teu nanaon.