Network
GALURA.CO.ID -Masjid Ashobarna, Lembur Cipedung RT/RW 03/04 Desa Jatisari, Kecamatan Kutawaringin, Kabupaten Bandung, jadi tempat taraweh keliling (tarling) Bupati Bandung, Dadang Supriatna jeung rèngrèmgan Organisasi Perangkat Daerah (OPD) nu dilaksanakeun Rebo, 13 Marer 2024.
Camat Kutawaringin, Asep Ruswandi nètèlakeun, satadina Tarling Bupati jeung rengrengan OPD nu digelar unggal dapil tej, di Dapil 1 rèk dilaksanakeun di Kecamatan Cangkuang, ngan ku sababaraha tinimbangan antukna dilaksanakeun di Kecamatan Kutawaringin.
Sajaba geus ngayakeun tarling tingkat kabupaten, ceuk Asep di tingkat kecamatan tarling ka desa-desa ogè geus disiapkeun jadwalna.
Saban taun, ceuk Asep, tarling maneuh diayakeun rèngrengan kecamatan ka saban desa, 11 desa nu aya di Kecamatan Kutawaringin.
"Tos tilu desa nu janten tempat tarling; Desa Jatisari, Pameuntasan, sareng wengi tadi mah di Desa Padasuka. Insayaalloh 11 desa nu aya di Kecamatan Kutawaringin tos dijadwalkeun tarling, " ceuk Asep di kantorna, Salasa, 19 Maret 2024.*** Sopandi
