Network
GALURA.CO.ID - Dandim 0617/Majalengka Letkol Inf Dudy Pilianto, S.Pd., M.I.P., mingpin upacara pemakaman militer (alm) Sertu Suharjo Jabatan Babinsa Koramil 1713/Ligung Kodim 0617/Majalengka, tempatna di TPU Buyut Kerta Wiyata, Desa Jatiraga, Kecamatan Jatitujuh, Kabupaten Majalengka, Salasa (27/2/2024).
Dina upacara pamakaman, diluuhan oge ku Kasdim 0617/Majalengka, Danramil 1713/Ligung, Danramil 1714/Kertajati, Kapolsek Kertajati, Kapolsek Jatitujuh, Wakapolsek Ligung, Babinsa jeung Babinkamtibmas, Kepala Desa Jatiraga katut rengrenganna.
Pemakaman Militer teh perwujudan ti panghormatan pamungkas anu geus jadi tradisi dilaksanakeun keur ngajenan sakumna pahlawan jeung anggota TNI/Polri anu geus ngabdikeun dirina keur bangsa jeung nagara.
Baca Juga: Dandim 0617/Majalengka Ngaluuhan Majelis Shalawat Kubro 7 di Ponpes Asasul Huda
Dina eta kasempetan eta Dandim 0617/Majalengka Letkol Inf Dudy Pilianto, S.Pd., M.I.P., nepikeun belasungkawana ngawakilan sakumna rengrengan Kodim 0617/Majalengka.
"Hayu urang ngadu’a pamugi almarhum ditampi Allah SWT, kanggo kulawargina anu dikantunkeun dipaparinan kaihlasan almarhum dipundut ku Nu Kagunganana,” ceuk Dudy Pilianto.
Dudy nyebutkeun salami dina ngalaksankeun tugas almarhum teh prajurit nu hade, pinuh rasa pangabdian, loyal tur mibanda dedikasi anu ageung kana tugas sareng tanggel walerna. Nalika salami pangabdianna almarhum kedal ucap bok paripolah anu teu sapagodos nyuhunkeun dihpunten," ceuk Dandim 0617 Majalengka.
”Urang sadayana salaku papada umat wajib nampi takdir kalayan pinuh kaihlasan. Ku kituna hayu urang sadaya ngadu'akeun pamugi arwah almarhum ditampi ku Allah SWT oge dihapunten sagala rupi kalepatanna,” pungkas Letkol Inf Dudy Pilianto.***Ayank R Sambara
