GALURA.CO.ID -Bupati Bandung Dadang Supriatna sapiri umpi anak nyoblos dina Pemilu Serentak 2024 di lemburna di TPS 37, Jalan Raya Sapan, RT 002/ RW 014, Desa Tegalluar, Kecamatan Bojongsoang, Kabupaten Bandung, Rebo, 14 Pebruari 2024.
Dadang Supriatna dibarengan istrina, Emma Dety Permanawaty, jeung dua anakna dr Rifqi Wahana Fadhilah Supriatna katut Wajihati Raisa Fadhilahani Supriatna. Putra cikalna, Ramadhan Fauzan Adhiman FS, nyusul sawatara waktu ka TPS 37.
Aya nu istimèwa dina Pemilu 2024 ieu pikeun Dadang Supriatna jeung istrina. Sabab putri bungsu arinyana, Wajihati Raisa, taun ini munggaran nyoblos dina hajatan Pemilu. Umur Raisa nincak 17 taun, karèk lulus ti Sekolah Putri SMA Daarut Tauhiid Bandung jurusan IPA.
Emma nu ogè Ketua TP PKK Kabupaten Bandung miharep Raisa bisa diajar loba tina Pemilu 2024 ieu. "Mugia tiasa janten pembelajaran kanggo Neng Raisa kanggo tiasa wanoh perkawis pesta demokrasi nu mung dilaksanakeun 5 taun sakali," pokna.*** Sopandi