Network
GALURA.CO.ID -Calon anggota DPRD Kabupaten Bandung, Hj. Aas Aisyah ngaluuhan acara Rajaban nu digelar Majlis Taklim Masjid Uswatun Hasanah, Lembur Babakan RT 05 RW 18 Desa Mekarrahayu, Kecamatan Margaasih, Kabupaten Bandung, Salasa, 30 Januari 2024.
Tumorojogna ieu caleg ti Nasdem nomer urut 5 dibagèakeun ku puluhan jama'ah. Nani Suharyati, salasahiji jamaah ngaku ngarasa hungah ku datangna Hj. Aas Aisyah.
Inyana kacida ngarojong Hj. Aisyah, lantaran warga pituin Desa Mekarrahayu, dipiharep aya wawakil ti lembur nu jadi anggota DPRD Kabupaten Bandung.
Baca Juga: Nasdem, PKB jeung PKS Optimistis AMIN Unggul dina Pilpres 2024
Hal nu sarua ditepikeun ku jamaah sèjènna, Tati Maryati jeung Tati Suharyati, ku ayana dewan ti lemburna, bangbaluh warga dipiharep bisa direngsekeun.
"Utamana dina pangladen kasehatan sareng atikan. Mugia wè tinekanan aya wakil ti lembur, bakal langkung ngartos kaayaan wargana, " ceuk Nani nu dienyakeun ku jamaah sejen.*** Sopandi
